На 8 и 9 октомври 2025 година се одржаа две панел-дискусии во Куманово и Тетово, каде студентите имаа можност да се запознаат одблиску со компаниите и можностите за стипендии и практикантска работа. Во Куманово, соработката со локалниот бизнис беше ограничена, додека во Тетово се забележа висок интерес за практики и партнерства од страна на приватниот сектор. За време на сесиите, студентите добија информации за потребните компетенции, условите за практикантска работа и другите форми на соработка, а поранешни стипендисти ги споделија своите искуства. Претставниците на компаниите го истакнаа значењето на корпоративната општествена одговорност и поддршката на младите преку стипендии и практикантски програми.
Панел-дискусиите овозможија директна интеракција помеѓу студентите и компаниите, создавајќи можност за размена на идеи и практични совети, и поставувајќи основа за долгорочни партнерства во иднина.
Овој материјал е дел од проектот „Поддршка на студентските стипендии преку мобилизација на приватниот сектор“, имплементиран од Фондацијата Albiz и финансиски поддржан од Министерството за односи меѓу заедниците.