Puna vullnetare është një shprehje e altruizmit që kontribuon në mirëqenien e komuniteteve dhe ndihmon vullnetarët në zhvillimin e aftësive si komunikimi dhe lidershipi.

Ajo ofron mundësi të shkëlqyera për zhvillimin profesional dhe rritjen e aftësive personale, duke pasuruar CV-në. Vullnetarizmi është një proces i ndërsjellë, ku ndihmon sot dhe mund të kërkosh ndihmë nesër.

Pjesëmarrësit mund të angazhohen në programet dhe aktivitetet e Fondacionit ALBIZ, si implementimi i programeve, akcione të ndryshme, aktivitete ad-hoc dhe propozim ideve.

Për tu bërë pjesë e Fondacionit Albiz si vullnetarë dhe pjesë e ekipit është e nevojshme që ju të përkrahni vizionin, mision dhe të dërgoni një letër interesimi për vullnetarë në Fondacionit Albiz dhe një biografi. Stafi i Fondacionit Albiz do të ju informojë për mundësinë për tu përfshirë si vullnetarë në afat të shkurtër kohor.

Fondacioni Albiz  ofron mundësinë që vullnetarët ti inkuadron duke ju mundësuar që të propozojnë ide dhe të cilat në bazë të realizueshmërisë ti implementojë.

Të gjithë ata të cilët shprehin gatishmërinë dhe dëshirën për tu përfshirë do të inkuadrohen konformë ligjit për vullnetarizëm.

• Ligji për vullnetarizëm në R.M

Si qytetarë ose korporatë, mund të përkrahni aktivitetet e Fondacionit Albiz në disa mënyra:

1. Dhurimi: Mund të bëni donacione njëherësh ose të krijoni partneritete afatgjata për të mbështetur programet e Fondacionit.
2. Donacione për aktivitete ad-hoc: Dërgoni donacione për organizime dhe aktivitete të veçanta.
3. Dhurimi i produkteve dhe shërbimeve: Ofroni prodhime, shërbime ose ndihma të tjera materiale.
4. Koha e punonjësve: Alokoni një pjesë të kohës së punonjësve tuaj për aktivitete të Fondacionit.

Procedura e dhurimit:

• Lidheni marrëveshjen për donacion ose sponsorim me Fondacionin Albiz.
• Jepni donacionin.
• Fondacioni Albiz do t’ju japë vërtetim dhe do përgatisë dokumentacionin për nxitjen tatimore.
• Dokumenti do të dorëzohet në Ministrinë e Drejtësisë për të vërtetuar interesin publik.

Përkrahja juaj duhet të ketë karakter publik sipas Ligjit për Donacion dhe Sponzorim.

Për individë, nxitja tatimore është deri në 20% të tatimit personal, ndërsa për korporata është deri në 5% për donacione dhe 3% për sponsorizime. Kjo tregon angazhimin tuaj për shoqërinë.

Fondacioni Albiz gjithashtu promovon përgjegjësinë shoqërore korporative, duke siguruar mbështetje afatgjatë për aktivitete nga ndërmarrje të ndryshme.