"Ashtu siç m'u dha mundësia për të ecur përpara me këtë çmim, dëshiroj të jem frymëzim për ata që të besojnë në veten dhe në mundësitë që i ofron arsimi"

" Bursa nga Fondacioni Albiz për mua ka qenë shumë më tepër sesa një mbështetje financiare — ka qenë një motivim i madh për të vazhduar përpara dhe për të besuar më shumë në veten time. Kjo përvojë më ka dhënë jo vetëm siguri gjatë studimeve, por edhe një ndjenjë përkatësie dhe mbështetjeje nga një komunitet që vlerëson dijen dhe përkushtimin "

"Nga ky kurs mund të them se kam fituar, në radhë të parë, vetëbesim, shoqëri dhe dije për qepje. Kjo përvojë më ka ndihmuar të zhvillohem si personalisht ashtu edhe profesionalisht. Jam shumë mirënjohëse për mundësinë dhe mbështetjen që kam marrë gjatë këtij kursi, i cili më ka motivuar të vazhdoj përpara dhe të ndërtoj të ardhmen time"

“Përmes këtij trajnimi, kam arritur të largohem nga ndjenja e pasigurisë dhe të fitoj një ndërgjegje më të fortë për aftësitë e mia. Tani ndjej se kam kapacitetin dhe aftësinë për të komunikuar me siguri në çdo situatë, duke përdorur mënyrat e reja të mësimit që trajnimi na ka ofruar”.

“Praktika ime në Adrijus më hapi dyert drejt një kuptimi të thellë të sektorit të financave. Duke punuar drejtpërdrejt me analiza financiare dhe menaxhim buxhetesh, fitova aftësi të rëndësishme që nuk mund t’i kisha përvetësuar vetëm përmes teorisë. Ju sugjeroj të gjithë studentëve të fitojnë nga këto mundësi”.

“Praktika ime në Adrijus ishte jashtëzakonisht e dobishme dhe në përputhje të plotë me drejtimin tim të studimit. Detyrat dhe sektori ku punova më ofruan mundësinë të zbatoj njohuritë teorike në situata reale. Fondacionit Albiz dhe kompanisë Adrijus ju jam mirënjohëse për këtë mundësi”.

“Vlerësimi im për këtë trajnim është shumë i madh, natyrisht se ky trajnim ishte shumë i vlefshëm për të gjithë ne duke na ndihmuar të kemi qasje më të hapur në komunikime të përditshme”,

“Praktika ime në Fondacionin Albiz ishte e shkëlqyer. Kam mësuar shumë rreth organizimit dhe funksionimit të një organizate të suksesshme dhe kam parë nga afër ndikimin pozitiv të Fondacionit në komunitet. Jam mirënjohëse për këtë mundësi që më ndihmoi të zhvillohem profesionalisht dhe personalisht”.

“Përvoja ime në Tempo Profil 99 ishte jashtëzakonisht e vlefshme. E kam vlerësuar shumë mundësinë për të kontribuar në një kompani me një histori të pasur dhe mision të qartë për të zgjeruar tregun dhe për të ndërtuar marrëdhënie të besueshme me klientët dhe furnizuesit. Faleminderit për mundësinë e ofruar”.

“Përvoja jonë në Dauti Komerc ishte jashtëzakonisht e vlefshme. Ne kemi mësuar shumë rreth programimit dhe kemi pasur mundësinë të kontribuojmë në projekte reale. Jemi shumë mirënjohëse për mbështetje dhe mundësi që na ndihmuan të zhvillojmë aftësi të reja dhe të rritemi profesionalisht”.

"Kursi i rrobaqepësisë nga Fondacioni Albiz ishte i strukturuar me pjesë teorike dhe praktike, ku mësuam hapat bazë të rrobaqepësisë. Ky kombinim më ndihmoi të zhvilloj aftësi konkrete për të krijuar veshje dhe jam shumë mirënjohëse për këtë mundësi."