Bota ndryshohet nga shembulli i njerëzve, sepse janë ata që librin të cilin dëshirojnë ta lexojnë por ende nuk është shkruar, e shkruajnë vet. Andaj projekti “ Storie Suksesi”, mundëson për së afërmi të dëgjohen storiet e suksesit të personaliteteve të ndryshëm të cilët me shembullin e tyre kanë arritur të kontribuojnë në shoqëri në forma të ndryshme, ndërsa për rinin ata shembuj bëhen sadopak udhërrëfyes për karrierën e tyre, duke marrë mesazhe dhe këshilla të ndryshme.
Në edicionin e dytë të këtij projekti Fondacioni Albiz kishte nderin të sjellë mysafire znj.Gëzime Fejzi, një afariste vizionare dhe mjaft e fuqishme. Ashtu siç është thënia : Kurrë gratë marrin pjesë në biznes, të gjithë fitojnë – këtë gjë e vërtetoi znj. Gëzime duke treguar storien e saj. Ajo vërtetoi se një grua e cila në mënyrën më të mirë të mundshme arrin të drejtoj punët dhe problemet e një shtëpie, është më e afërt për të drejtuar edhe punët e një kompanie apo më gjerë të një shteti. Znj. Gëzime me arritjet e saja të shumta në sektorin e biznesit përcolli mjaftë këshilla dhe mesazhe si : Çdo punë ka rëndësinë e vet të madhe; Çdo shansë duhet të shfrytëzohet dhe të mos nënvlerësohet; Në punë duhet ndershmëri; Nuk duhet të shohim vetëm sipërfaqësoren e gjërave, por thelbësoren; Në biznes nuk është vetëm pasuria dhe fama, ajo që e kompleton atë është shpirtërorja etj. Përveç se në sektorin e biznesit kontributi i saj nuk mungon edhe në aspektin shoqëror. Ajo është Kryetare e Forumit të Grave Afaristeve në kuadër të OEMVP-së, ku realizon projekte të ndryshme me qëllim të përkrahjes së gruas në këtë drejtim, sepse siç theksoi ajo edhe gratë dijn të bëjnë biznes. Ky kontribut i saj në shoqëri nuk ka munguar edhe në vitet e mëhershme, ku në Romë , atje edhe ku i ka hapat e para biznesi i saj, formoi Asociacionin e grave afariste shqiptare .
Me storien e znj. Gëzime u pasurua edhe më shumë projekti “Storie Suksesi” , i cili në vazhdimësi plotësohet ashtu siç mysafirët e përzgjedhur nga Fondacioni Albiz kanë privilegjin para një publiku të gjerë të rrëfejnë rrugën që kanë kaluar për të arritur një shkallë mjaftë të lart të suksesit.