Duke pasur si objektiv identifikimin dhe shpërblimin e studentëve të shquar, inovatorëve të cilët janë në fillet e hulumtimeve shkencore, të cilët me projektet e tyre trajtojnë një problem të rëndësishëm shoqëror, mjedisor ose teknologjik duke pasur një impakt pozitiv në shoqëri.
Fondacioni “DAUTI“ shpall
K O N K U R S
Për ndarjen e 3 (tre) ‘Çmimeve për inovacion për vitin akademik 2014/2015’
Fondacioni Dauti në këtë konkurs do të vlerëson inovatorët, zhvilluesit apo grupet e punës që kanë zhvilluar një program, aplikacion, modernizim apo çfarëdo lloj teknologjie ose inovacioni në fushën në vijim :
-Teknologji e Informacionit;
-Inxhinieri Kompjuterike;
-Inxhinieri Elektroteknike;
-Telekomunikacioni dhe Teknologjia grafike;
-Inxhinieri Makinerie;
-Inxhinieri Ndërtimore;
-Metalurgjia;
-Mjekësia;
-Veterinaria;
-Inxhinieri kimike;
-Bioteknologjia;
-Agrikultura;
-Inxhinieri përpunimit të ushqimit;
-Teknologjia e mjedisit;
-Fushat tjerat të cilat nuk janë të cekura në këtë konkurs;
Sqarim!
Termi inovacion është i pranueshëm për të gjitha aplikacionet të cilat kanë një zgjidhje e cila përmban risi në treg, zgjidhje kjo e cila vjen në ndihmë të një komuniteti të caktuar njerëzish.
Drejtë aplikimi kanë:
-Të gjithë studentët në studimet deridiplomike dhe pasdiplomike (Master, PHD) në universitetet që gravitojnë në Republikën e Maqedonisë;
-Studentë në mënyrë individuale ose grupore;
-Aktiviteti/Inovacioni për të cilin aplikohet duhet të ketë realizim të suksesshëm gjatë vitit akademik 2012/13 dhe 2013/14 (gjatë 2 viteve të fundit);
DOKUMENTET E NEVOJSHME
Secili kandidat në varësi të fushës së inovacionit për të cilën konkurron, duhet të përgatisë disa dokumente prezantuese të nevojshme për aplikim.
Dokumentet e nevojshme janë :
-Aplikacioni (merret te fondacioni & shkarko online)
-Dokument prezantues ku përshkruhet produkti/shërbimi dhe funksionaliteti
-Dokument me specifikime teknike duke përfshirë të gjithë elementët teknikë të përdorur për realizimin e projektit
-Rekomandim nga profesionistë të fushës për të cilën aplikohet
-Detaje tjera të cilat mendoni se janë të nevojshme për aplikimin tuaj
KRITERET
Kriteret e nevojshme për fitimin e çmimit në konkurrim:
-Origjinaliteti duhet të jetë kriteri më i rëndësishëm për çdo aplikues
-Vërtetësia e të dhënave është kriter i rëndësishëm dhe në përgjegjësi të plotë të aplikuesëve.
-Në rast se do të identifikohen dhe provohen pavërtetësi nga të dhënat e deklaruara gjatë aplikimit, atëherë aplikuesi/sja do të përjashtohet nga fazat e mëtejme të vlerësimit.
-Nëse kërkohet, Fondacioni Dauti mban të drejtën e verifikimit të aplikacioneve dhe materialeve të dorëzuara bashkë me aplikimet.
VLERA E ÇMIMIT
Fondacioni Dauti për këtë konkurs do të ndajë tre çmime, me vlerë prej 60.000,00 denarë për secilin fitues.
Elementet e mëposhtme do të ndihmojnë në vlerësimin e produktit/zgjidhjes së aplikuar:
-Funksionimi i mirë i produktit
-Lehtësia/thjeshtësia në të kuptuar dhe në të përdorur
-Uniformiteti/konsistenca
-Hierarkia vizuale e elementeve
-Vlefshmëria dhe prakticiteti
-Vlerësimi i mënyrës se si është menduar mbështetja (suporti) ndaj përdoruesit
-Mundësia dhe fleksibiliteti i aktualizimit të versioneve dhe funksioneve ndërlidhëse me aplikacione të palëve të treta.
VENDI DHE AFATI PËR DORËZIMIN E DOKUMENTEVE
Aplikacioni me dokumentacionin e kërkuar dorëzohen, nga data 20.11.2014 deri më, 31.12.2014 deri në ora 16:00, në zyrën e Fondacionit Dauti Rr 20, nr 97 Saraj , 1.000 Shkup
Gjatë dorëzimit të dokumenteve, kandidatët duhet të kenë me vete letërnjoftimin dhe indeksin.
Shpallja e rezultateve do të bëhet pranë zyrës së fondacionit, në web faqen zyrtare www.albiz.org.mk si dhe në facebook.com/dautifoundation.
SQARIM
1.Dokumentet duhet të dorëzohen personalisht nga vetë kandidati ( përndryshe janë të pavlefshme) .
2.Dokumentet që janë të pakompletuara dhe që dërgohen me vonesë, përkatësisht nuk i kanë respektuar afatet kohore të konkursit, nuk do të pranohen.
3.Dokumentet e dorëzuara nuk kthehen prapë, mbetet në arkivin e Fondacionit.
4.Ç’do person i cili do të konkurrojë duhet që të marrë dëshmi (numër të dosjes) se i ka dorëzuar
5.Dokumentet e dorëzuara duhet të jenë të futur në zarf.
6.Rezultatet do të shpallen me numra të dosjes