Fondacioni për zhvillimin e arsimit dhe kulturës ALBIZ shpall
K O N K U R S
Për ndarjen e 10 çmimeve për studentë të diplomuar gjatë vitit 2024
I. MËNYRA E APLIKIMIT
Të drejtë për aplikim në këtë konkurs kanë studentët të cilët kanë mbaruar ciklin e parë (studime deri diplomike) në ndonjë prej universiteteve shtetërore në Republikën e Maqedonisë së Veriut, Universitetin e Evropës Juglindore, si dhe Universitetin Ndërkombëtar Ballkanik, në ndonjë prej fakulteteve në vijim:
- Fakulteti Arkitekturës;
- Fakulteti i Ndërtimtarisë;
- Fakulteti i Makinerisë ;
- Fakulteti i Shkencave të Mjekësisë;
- Fakulteti i Shkencave Matematiko-Natyrore;
- Fakulteti Teknologjik – Metalurgjik;
- Fakulteti i Elektroteknikës dhe Teknologjisë Informative;
- Fakulteti i Shkencave Informatike dhe Inxhinierisë Kompjuterike;
- Fakulteti Farmaceutik;
- Fakulteti i Shkencave të zbatuara;
- Fakulteti i Shkencave dhe Teknologjive Bashkëkohore;
- Fakulteti i Shkencave Bujqësore dhe të Ushqyerit;
II. KRITERIUMET PËR APLIKIM
- Të jenë nënshtetas të Republikës së Maqedonisë së Veriut.
- Nota mesatare e diplomimit të jetë mbi 9,0.
- Të kenë diplomuar gjatë periudhës janar-dhjetor 2024
III. DOKUMENTET E NEVOJSHME PËR KONKURSIN E BURSAVE
- Formulari për aplikim – plotësohet online
- Vërtetim për mbarimin e ciklit të parë të studimeve ose diplomë
- Kopje e ndonjë dokumenti identifikues (letërnjoftim, pasaportë).
IV. VLERA E ÇMIMIT DHE MËNYRA E REALIZIMIT
Vlera e çmimit është 61.500,00 denarë.
Pagesa e çmimit është e njëhershme.
V. VENDI DHE AFATI PËR DORËZIMIN E DOKUMENTEVE
Aplikimi për konkursin për çmimit bëhet online në linkun që vijon:
https://forms.gle/Ubihje1QEeTpYkZp7
Aplikimet bëhen në afatin vijues :
prej 10.01.2025 (e premte) deri më 10.02.2025 (e hënë)
Kandidatët gjatë aplikimit online duhet te bashkëngjitin edhe dokumentet e nevojshme për aplikim.
Shpallja e rezultateve do të bëhet pranë zyrës së Fondacionit Albiz, në ueb faqen zyrtare
www.albiz.org.mk si dhe në www.facebook.com/albizfoundation.
Për informata më të hollësishme mund të na kontaktoni në tel. 02 2057 632 ose në e-mail: info@albiz.org.mk, nga ora 08:00-16:00.
